सिंदेवाही हे शहर नगरपंचायत (प्रशासकीय दर्जा) असून जिल्ह्याचे ठिकाणापासून सुमारे 70 किमी अंतरावर आहे. सिंदेवाहीमध्ये तांदुळ संशोधन केंद्र असून विविध संशोधकांकडून तांदळाच्या नव-नवीन वाणांचा शोध लावण्यासाठी कार्य केले जाते. इथे ग्रामसेवक प्रशिक्षण केंद्र अस्तित्वात असून विविध जिल्ह्यातील (गडचिरोली, चंद्रपूर, गोंदीया, भंडारा) ग्रामसेवकांचे पायाभूत/उजळणी प्रशिक्षण या केंद्राच्या माध्यमातून पुर्ण केल्या जाते. तालुक्यापासून जवळच घोडाझरी तलाव व आसोलामेंढा तलावासारखी आकर्षक पर्यटन स्थळे आहेत. सिंदेवाही परिसर संपुर्ण जंगलव्याप्त असून परिसरात बरेचसे वन्य प्राणी आढळतात. सिंदेवाही येथे रेल्वे स्टेशन असून ते रेल्वेचे मध्यवर्ती ठिकाण गोंदीया-नागभीड-चंद्रपूर मार्गावर आहे. लाडबोरी व रामाळा ही तालुक्यातील उल्लेखनीय गावे आहेत. सिंदेवाही शहर राज्य महामार्ग 9 (नागपूर-नागभीड-मुल-चंद्रपूर राज्य महामार्ग) वर स्थित आहे. पर्यटन स्थळे - घोडाझरी तलाव, आसोलामेंढा तलाव, ताडोबा अंधारी व्याघ्र प्रकल्प जंगल सफारी सिरकाडा गेट, पांगळी गेट, मोहाळी (नलेश्वर) डॅम